Allah yang Memampukan

Bahan Sermon Minggu XIX Dung Trinitatis, (Ev. 2 Musa 4: 10-17 – Ep. 2 Timoteus 4:1-5)

Patujolo

Buku Musa paduahon on di gurithon si Musa hira taon 1300 SM. Tema ni Keluaran ima angka na masa andorang dohot di tingki haboborhat ni Israel sian Misir. Garis besar ni bindu 3-4 ima manggombarhon panjouon ni si Musa dohot tugasna, huhut papatarhon tu ibana jaminan ni Debata na ingkon berhasil do imana mangulahon parenta ni Debata. Di turpuk on (2 Musa 3:10-17), secara khusus do dibaritahon taringot tu  “kehadiran” dohot huaso ni Debata. Dung salpu barita di turpuk on, di goari si Musa do inganan i gabe “gunung ni Debata”.

Hatorangan ni Turpuk

1. Di ayat 10, tarida do sada contoh songon dia hita jolma olo mengalami keraguan ditingki na naeng mangulahon ulaonta. Di kasus ni si Musa, tubu do sungkunsungkun. Boasa si Musa, na dididik di istana Mesir mengalami keraguan songon on? Tontu, dapotna do (di istana) pendidikan na memadai dibandinghon dongan sabangsona. Sian i, dang na haserepon ni roha na dipatuduhon si Musa dihatihai, alai patuduhon keraguan ni imana do marningot kekurangmampuan ni ibana ‘berdiplomasi’.
2. Diantusi TUHAN do panghilalaan ni si Musa marhite na manungkun ibana, “Ise do mambahen pamangan… d.u.?” Sungkunsungkun on ndang apala di alusi si Musa ala berbentuk pertanyaan retoris. Nunga ditanda si Musa huaso ni Debata marhite “api na marnalanala di tongatonga ni ramba” (2 Musa 3:2). Jala nunga tangkas dipatandahon Debata diriNa tu si Musa, “Ahu nuaeng Ahu sogot” (2 Musa 3:14). Sada na dipangido sian si Musa, ima mangakuhon huaso ni Debata: “Ibana do na mambahen parmangan, mambahen na ngungu manang na nengel, manang na marnida manang na mapitung”.
3. Sada hal na menarik, adong do tuntutan ni Tuhan marhite na mandok “hudongani pe pamanganmi, hupodahon pe tu ho sidohononmu” (ayat 12). Ndang di dok TUHAN songon naung tatangkasi di ginjang, “Jolma na pistar do ho, nunga dapotmu pendidikan na timbo”. Ima na patuduhon, ndang alani parsiajaran manang pendidikan sambing dasar ni pangulaonta. Alai, dituntut do hita asa totop manghilalahon hagogon dohot kemahabisaan (omnipotent) ni Debata, huhut manghilalahon pangiringi dohot pangajarion ni Debata. Ima sada prasyarat molo naeng mangulahon hata ni Debata.
4. Tutu do kelemahan ni ateate ni jolma. Nang pe naung adong ‘jaminan’ na dilehon tu hita asa boi mulaulaon, jotjot do i songon na hurang. Ido na tarida sian “bantahan” ni si Musa di ayat 13 di turpuk i. On ma mungkin gabe alasan na boi tarjalo roha, boasa ingkon ‘muruk’ Debata tu si Musa (ayat 14a). Alai nang pe songon i, tong do mulak roha ni Debata. Dibahen Debata do dua tanda jaminan na boi idaon dohot pangkeon ni si Musa asa margogo mangulahon hata ni Debata:
   1. Diangkat Debata do si Harun gabe ‘jurubicara’ ni si Musa (ayat 14b-16). Alai na tangkas, ndang boi si Harun mandok asing na ni dok ni si Musa na jinalona sian TUHAN. Sian i, tarida do na diharingkothon Debata patuduhon tandana marhite sada oknum. Di tonga ni hurianta, Tondi Porbadia ma oknum na mangajari hita saluhut jala paingothon hita tu sude nanidok ni Jesus Kristus. Jala Tondi i ndang manghatai sian dirina sandiri, alai holan paboahon sude na binegeNa  (Joh 14:26; 16:13). Tondi Porbadia i ma na menghibur jala manggogoihon hita asa boi mangula ulaonta. Suang songon i, boi do ditafsirhon keberadaan ni si Harun gabe tanda na dipaloas Tuhan do hita asa boi bekerja sama rap dohot dongan laho mangulahon hata ni Debata.
   2. Dilehon do sada tungkot tu si Musa laho patuduhon angka tanda (ayat 17). Di tingkinta nuaeng on, gareja do gabe tungkot di hita. Gareja do tanda na patuduhon hapapatar ni Harajaon ni Debata di portibi on. Jala sian Gareja i ma hita huhut pahembanghon tanda hapapatar ni Harajaon i. Gareja ndang holan papunguhon angka dongan na saroha, alai Gareja tong do paserakhon angka i, jala manggogoihon pahembanghon harajaon ni Debata. Ima na dipatuduhon sian ngolu ni angka halak Kristen mulamula (Ul. Ap.  2:41-47).

Sipahusorhusoron

Di minggu na naeng ro, sahat ma hurianta tu minggu pasampulusiahon dung trinitatis. Ditontuhon hurianta do topik ni minggu i, “Debata na Patauhon”. Sian turpuk na dibahas i, adong do pigapiga hal na boi gabe sipahusorhusoron:

1. Ndang boi holan mangondolhon parbinotoan laho mangula siulaonta. Inghon Debata do gabe siandalhonon laho mangulahon sasudena (Poda 3:5)
2. Boi do hita merasa tidak mampu. Alai ndang gabe i panghorhon di hita laho menghindari tugas & tanggungjawab naung dilehon tu hita. Inghon do hita mangalului gogo sian Debata, huhut bekerjasama tu angka dongan saulaon.
3. Ala Debata do na mangalehon tugas & tanggungjawab tu hita, marlapatan do i, na ingkon do hita patuduhon huaso ni Debata sian ulaon i. Keberhasilan di sada ulaon ndang gabe tanda ni hagogoonta, alai naeng ma nian asa keberhasilan ni Debata na tarida sian i. Asa boi huhut lam hembang jala lam rarat barita las ni roha dohot lam patar Harajaon ni Debata.

3 komentar mengenai “Allah yang Memampukan”

1. Free tattoo designs Says:
   Juni 14th, 2010 at 21:16

   Very interesting website, but you must improve your logo graphics.

2. hypotheek Says:
   Agustus 14th, 2010 at 02:15

   Hypotheek informatie, hypotheek aanvragen of afsluiten? Hypotheekrentes bekijken. Hypotheek aanbieders vergelijken, hypotheek vormen, bijkomende kosten,

3. lenen Says:
   Agustus 15th, 2010 at 07:06

   Over de voor- en nadelen van het afsluiten van een lening zonder BKR-toetsing.

Terimakasih jika Anda mau menambahkan komentar... :)

Ikuti terus perkembangan diskusinya!

Name

Mail (will not be published)

Website

Spam Protection by WP-SpamFree